ازاى تكونى حلوة فى خروجتك !!!!!!!!!!!!1

حبيباتى قبل البدء في وضع المكياج فيه شوية اشياء بسيطة لازم نكون عارفينها قبل البدء بوضع المكياج سواء فى خروجك العادى او فى الاستعداد للمناسبات
اولا : لازم تفكرى الاول فى نوع المناسبة الى انتى ريحاها .. هل هى بسيطة ولا مهمة وياترى كام واحد هيكونوا موجودين فيها غيرك .
ثانيا : تفكرى كويس فى الالوان الي تناسب المناسبة دى والي بتكون عليكى احلى وافضل
ثالثا : لازم تختارى الملابس المناسبة للمناسبة دى فطبعا ملابس السهرة تختلف عن ملابس العمل وكذلك النهار او زيارة عادية للأصدقاء او الاهل
رابعا : لازم تختارى المكياج المناسب للمناسبة دى فطبعا بالنهار لازم يكون مكياجك هادى وبالليل يكون اكثر توهج .. وكمان لازم تهتمى بأظافرك والوانها
خامسا : بعد ماتخلصى مكياجك تختارى بقى اكسسواراتك وحليك الى تناسب مناسبتك دى ياست الصبايا وكمان تكون مناسبة لملابسك والوانها
سادسا : اختيار التسريحة المناسبة لمناسبتك دا اذا مكنتيش محجبة اما بقى لو كنتى محجبة فعليكى اختيار الطرح والايشاربات المناسبة لملابسك ومناسبتك ومكياجك وكمان تكون مناسبة لبشرتك ووجهك
سابعا : بعد كدة نيجى بقى لأختيار العطر المناسب .. وحاولى انه ميكونش فواح زيادة عن اللزوم لدرجة تخنق وتنرفز وتخلى الناس تاخد عنك فكرة غلط
ثامنا : اختارى بقى الحذاء المناسب لمناسبتك و ملابسك وياريت كعبه ميكونش عالى قوى عشان ظهرك .
تاسعا : وده اهم شئ .. لازم تبعدى عن اى اضطرابات او قلق نفسى لإن دول اول شئ بيأثر على وجهك ومنظرك العام وبيعطى لكى شكل التعب والارهاق .
تعرفى بقى ياست الصبايا لو اتبعتى الحاجات دى هتبقى سندريلا المناسبة ومحدش هيضاهى جمالك ورقتك

مرسي ياريم

العفو يا قمر مرسي يا لولا

» ازاى تبقى رذل فى الكلية !!!!!!!!!!!!!!!!
» ازاى تخلى البنات تولع !!!!