اجازه الشباب

موضوع: اجازه الشباب الإثنين يناير 26, 2009 2:09 pm

بسم الله الرحمن الرحيم
حوار خروج بين 2 شباب جامد..................
خروجة جامده

]سنة دراسية 8 شهور

طوووووول السنة بطيخ

اخر شهر بس هو اللى مذاكرة

و خش ع الامتحانات

و يوم الامتحان يهان المرء او يهان

ييجى الصيف

الأجازة

الحرية

الفراغ

النوم طول النهار والسهر طول الليل

العربدة

و العربدة تحلى مع الشلة

العواطلية
***

بررررم بررررررم
برررررررم بررررررررررم

-الوووو.. مين

-انت صحيت يا حيوان

-عايز ايه يا سى زفت؟ بتصحينى ليه؟

-صحى الموت ياخويا.. قوم يا عم الجثة الساعة داخلة على 4

-ايه؟؟ 4 الفجر؟؟

-لا طبعا العصر يا نانوس عين مامته.. هو احنا بنصحى قبل كده يا خفيف

العصر وبتصحينى يا جزمة ومن غير رباط.. اقفل بدل ما اصب عليك اللعنات وسيبنى انام 4

-بس اسمع بس يا بوز الإخص انت.. دانا محضرلك بروجرااااام للخروج انهارضة.. انما ايه.. ميخرش المية..

-ميخرش المية؟ قول يا عم الطشط

-شوف يا سيدى.. اولا هنطلع على حتة كافيه فى المعادى لسه فاتح جديد
انما ايه جامد طحن فحت رزع ضرب

هو المينيمام 55 جندى ( 55 جنيه يعنى ) معلش انا عارف انه غالى شوية بس اييييييه مش هتصدق عندهم شيشة بجميع انواع الفاكهة الصيفية والشتوية والربيعية والخريفية والدقهلية وشك فى الحيط وقفاك ليا

-ايوة بس ده مبلغ وقدره.. هنجيبه منين يا سبع البرومبة

-متخاااافش عااااااااامل حسابى.. مانا هاكلم الوالا تامر الفنجرى بق ابن الغنية ده اللى خرج معانا المرة الفاتت
و نبرشط عالواد.. مش بقولك بروجورام ميخرش المية.. نياااااااهاهاهاها.. نياااااااااهاهاها

-خلاص يا عم العفريت خرمتلى ودنى بالضحكة الحمارة بتاعتك دى
طب ومين تانى هييجى

-استنى بس اكملك البروجوورام.. هنطلع م الكافيه ع الساعة 12 كده

-هنطلع طبعا مش شايفين قدامنا والدخان طالع من وداننا

-ماتخاااااافش عااااامل حسابى.. انا بقى عارف الجو ده طالبة معاه ايه.. أحدث أفلام الوالا سعد الصغنـن "لخمة راس"

فيلم هااااااااايل هندخله حفلة ميدنايط..

-طب والاكل يا عم البروجراامر

-متخااااااافش والله عاااااااامل حسابى.. هنطلع من الفيلم جاعنين طبعا.. وفيه مننا اللى رجع وجاب اللى فى بطنه فى الكافيه وفيه اللى رجع فى السيما
بس احنا لسه طالعين من " لخمة راس " يبقى لاااازم ناكل لحمة راااس
هنطلع على عم عبده تلوث ندب الأكلة التماااااام
مش بقولك عامل حسابى... نياااااااااااااااااااااااااها..

-خلاص خلاص طب وبعد ما ناكل ونرجع اللى كلناه هنعمل ايه يا فكيك؟

-عيب يا شقيق عيب يا مان عيب يا كوتش عيب يا كوبلن.. ودى تفوتنى بردو

هنعمل الحاجة اللى لا تخلو منها اى خروجة شبابية تكون تماموووز.. هنطلع على أى موووول نتلطع قدام البوابة نعاكس فى مخاليق ربنا
و يمكن ربنا يكرمنا ونختم اليوم اللظيظ ده بخناقة

-طيب كلم باقيت الاوغاد بقى وقلهم يبقوا يجيبوا بطايقهم معاهم عشان احتمال نبات فى القسم الليلة دى

-اكلم مين يا منيل انت.. العيال مترصصة ع القهوة مستنين اما اصحيك ياللا قوم يا مدهول على عينك

-طب بقولك ايه.. عايز اسالك على حاجة من اول المكالمة

هو مين معايا؟

-ايه الخفة دى؟احنا هنهظر ولا ايه؟ انا عمك وتاج راسك ياض

-عمى ايه انا ابويا مالوش اخوات ولاد..

-انت هتقوم ولا اجيلك البيت اقرفك فى عيشتك؟

-لا لا متجيش انت عارف ان امى مش بتطيق تسمع سيرتك

-مانا عارف, ماهو امى انا كمان مباتطقش تسمع سيرتى..

المهم خلص بقى وانجز

سلالم

-سلاحف

و كل يوم على كده لحد ما الاجازة تخلص

و الدراسة تدخل.. والبطيخ يشتغل

و تيجى الاجازة اللى وراها وهلوما جرجر

و لا حياة لمن تنادى
************************************************** ***********

_________________

لا مش كل الشباب والله------------

اكيد مش كلهم

ومرسي ياجميل على المرور

ههههه جميله اووووووي
وهو فعلا مش كل الشباب الاي كده
تسلم ايدك يالولا

انتى بجد مشكله جامده اوووووووووووى فعلا فى شباب كده ضرباها طبنجه
بس بردو فى الكويس هههههههههههههههههههههه

مهو في كده وفى كده
ومرسي لمرورك ياجميل

ايه الجمال ده موضوع جامد
انتى وخده فكره وحشه اووووى عن الشباب
وعلى العموم مش كلهم

فى بنات برده نفس الكلام ولا ايه

لا والله مش واخده فكره وحشه عنهم
انا قولت فى كده وفى كده
ومرسي لمرورك ياجميل

وبردو مش كل البنات
ومش كل الشباب
ومرسى كتير على
الموضوع الجامد
ده يا لولا يا قمر

مرسي لمرورك يابوسى

» ايه هي مشاكل الشباب!!!!!!!!!!
» انواع الشباب؟
» لغة الشباب الجامد .....................
» أسئلة للبنات & الشباب
» شوفو كلام الشباب للبنات